Come lavôr vêr al fâs dut altri, ma stant che dissegnâ i plâs un grum, al fâs fente di jessi un fumetist. Tal 2016 al à vinçut il Premi leterari in lenghe furlane San Simon, publicant la sô prime storie origjinâl a fumets: Il costrutôr di trabicui. Al è dentri dal coletîf di ilustradôrs Spicelapis, al sta daûr ae direzion artistiche de golaine autoprodote di fumets e ilustrazions minims Storie e al partecipe ai events di ilustrazion, fumets e ai laboratoris ator pal Friûl. Al è colaboradôr fis de riviste satiriche furlane Mataran. Al favele pôc, ma si lu cjate cun facilitât on line, dulà che al publiche i siei pinsîrs in forme di fumet.