Í óskilgreindri framtíð, undir vökulum augum eftirlitssamfélagsins, gera rithöfundarnir og fyrrverandi hjónin Áki og Leníta allt sem þau geta til ganga hvort fram að öðru. Á meðan gengur lífið sinn vanagang, út koma bækur sem ýmist fá verðlaun eða ekki, sólin mjakar sér yfir fjöllin snemma árs og skín á Ísfirðinga, bakkelsislyktina leggur úr Gamla bakaríinu og listnema úr borginni hreiðra um sig í yfirgefinni rækjuverksmiðju. Svo fer rafmagnið að flökta. Heimska er skáldsaga um að sjá allt og sjást alls staðar, um óstjórnlega forvitni mannsins og þörf hans fyrir að vekja athygli, um fánýti bókmennta og lista – og mikilvægi – um líkindi mismunarins, um hégóma, ást og svik. Og síðast en ekki síst um framtíðina. Eiríkur Örn Norðdahl hlaut Íslensku bókmenntaverðlaunin fyrir síðustu skáldsögu sína, Illsku. Heimska er fimmta skáldsaga hans en hann er einnig þekktur fyrir greinar sína og ljóð. Um Illsku: * * * * * „Klikkuð bók. Lesið hana! … Fróðleg, skemmtileg, sorgleg og fyndin. Hún miðlar sagnfræði, ástarsögu, heimspekilegum pælingum og gamanmálum … Allt er þetta svo vel gert, frumlegt og flott að það er eiginlega óhugnanlegt.“ Þórunn Hrefna Sigurjónsdóttir / Fréttablaðið „Hvað verður um samtímaskáldsöguna [eftir Illsku]? Hún er jú samtímaskáldsagan.“ Svenska Dagbladet „Þessi bók er skrímsli. Hávært, ógeðfellt, hættulegt, ofbeldisfullt, sóttheitt og stundum meyrt, varnarlaust og viðkvæmt skrímsli. Það rífur og bítur, kemur maganum úr jafnvægi og stækkar síðan í manni hjartað.“ Stadtbekannt Wien