Svalasta 7an er saga um fjórtán ára ungmenni sem treysta hvert öðru fyrir ýmsum leyndarmálum, eru upptekin af fíflalátum, fótbolta og ástinni en þegar alvarlegir atburðir eiga sér stað reynir fyrst á vináttuna.

Undir 4 augu er saga um fjórtán ára ungmenni sem eru bundin tryggðaböndum en eiga erfitt með að fóta sig á hálu svelli unglingsáranna. Jóel fórnar landsliðinu til að geta heimsótt föður sinn í Kína þar sem hann lendir í miklum ævintýrum og lífsháska. Álfhildur og Tommi stinga saman nefjum á Akureyri og Tinna er send í skyndi til London. Vinirnir þrá nærveru hver annars en margt fer öðruvísi en ætlað er.