I Havet syng har debutanten og TV2-journalisten Trude Teige skapt eit sterkt portrett av ei kvinne som utfordrar det mannsdominerte lokalsamfunnet for å skape seg sitt eige liv. Havet syng er ein historisk roman frå midten av 1800-talet. Gjennom livet og lagnaden til losdottera Kristiane blir vi tekne med til Sunnmørskysten, der livet er prega av kampen mot naturkreftene, av fordommar og klasseskilje - men også av samhald og sterk livsglede. Kristiane har lova faren at losnummerert hans aldri skal gå ut av slekta. Vi følgjer henne i åra etter at mannen hennar mister livet på sjøen og ho må gjere vanskelege val for å halde lovnaden til faren. |

Lene seg mot vinden er ein historisk roman frå sunnmørskysten på 1800-talet, der vi møter att familien frå Havet syng. Kristiane og Lars er midt i livet, og forholdet deira er vanskeleg - Lars klarer ikkje å gløyme at Kristiane var utru mot han. Kristiane lovde faren å føre losarven vidare, og dette har prega livet hennar. No krev ho at sonen Anders skal ta opp denne arven, men han drøymer om eit heilt anna liv. Eit alvorleg l brotsverk blir oppdaga i bygda, og Kristiane får ei sentral rolle under etterforskinga. Og ein dag skjer det noko som endrar livet for alle i losgarden. Lene seg mot vinden er ein roman om svik, forsoning og valet mellom plikter og draumar.