Kailangan mo ba ng mga idea sa panliligaw? O nagpapabili ba siya sa iyo tuwing nagde-date kayo? Baka naman may number two at three ang kasintahan mo? Gusto mo na bang palitan ang kasintahan mo? Ano'ng gagawin mo? Aba'y patuloy na tumutok at matuto ng mga praktikal na paraan upang masolusyonan ang inyong mga katanungan sa pag-ibig. Halina't basahin ang ating bagong takbuhan ng problema, si Binibining Bebang! Lora Lynn de Leon Miyembro Flips Flipping Pages Book Club

Ang Nuno sa Puso ay punong-puno ng mga payo, opinion, at sandamukal na common sense ng isang babaeng hinubog ng mga karanasan sa buhay, pag-ibig, at pakikipag-relasyon (saya, sarap, hapid, at iba pa). Ang mga payo ni Binibining Bebang ay praktikal, prangka, patas, at higit sa lahat, totoo. Inisa-isa niya ang mga puntong kadalasan ay hindi pansin ng mga pusong lunod at bulag sa pag-ibig.