Maari bang makadama ng pag-ibig ang isang taong isinumpa ng tadhana? Dumating si Kaila Arceo sa Cebu para magtrabaho bilang assistant chef sa isang sikat na restaurant. Lingid sa kaalaman ng lahat, nawawala ang kanyang alaala. Pero sa pagpukaw ni Sid Guillermo sa kanyang puso ay kasabay ring nagsimula ang pagdating ng mga panaginip—panaginip tungkol kay Knightmare. Si Sid Guillermo ang susi sa nakaraan ni Kaila; ngunit gagawin niya ang lahat ng paraan para manatiling lihim iyon. Dahil oras na matuklasan ni Kaila ang katotohanan sa misteryosong si Knightmare ay tiyak na tatalikuran siya nito. Ngunit hindi mapipigilan ang paglbas ng katotohanan at muling pagbabalik ni Knightmare. At si Knightmare ang magdedesisyon sa kapalaran ng pag-iibigan nina Kaila at Sid.