"One look at you and I forgot that I'm hurting. One look at you and I was alive again." Nagrerebelde si Temarrie. At sa gitna ng pakikipagsapalaran niya sa galit ng kanyang ama, mga kapatid at pesteng holdupper, nakilala niya si Jubei. Kasalukuyang nakikipagnegosasyon siya noon sa holdupper nang sumulpot na lang ang binata mula sa kung saan. Nailigtas siya nito pero hindi ang pera niya. Napundi yata sa kanya ang binata sa kakakulit niyang bayaran nito ang kanyang perang nawala nang dahil dito kaya bigla na lang siyang pinakulong nito. Ayon dito, isa siyang miyembro ng malaking sindikato. Isinumpa niya ito sa lahat ng santong kilala niya. Pero ang hindi niya inakala, sa lahat ng santo ring iyon siya haharap... kasama ng binatang isinumpa niya. Because Jubei was the man her father wanted her to marry. Ngunit ang matindi, narinig at nakita pa niya ang binata nang mag-propose ito ng kasal sa ibang babae. O, 'di ba, ang saya?

"When I saw you again, that was when I knew that I wasn't healing myself the right way. Dahil sa bawat babaeng nagiging kasintahan ko, hinahanap ko ang isang parte mo." Jhunnica had always loved Eneru's scent. Kaya naman kahit hindi niya agad ito natandaan at nakilala nang muli silang magkita, nang dahil sa pabango nito ay naalala niya kung sino ito. He was the boy who always followed her around back in high school. "Eneru Villasis?" Nakanganga na lang siya nang sundan ng tingin ang papalayong sasakyan. "Ikaw na iyan?" Anak ng teteng! Ano ba ang pinagkakaabalahan niya noong high school sila at hindi niya pinansin ang napakaguwapong nilalang na iyon noon?

"I will love you forever. Wala nang bawian. Wala nang urungan." Nang magtapon yata ang Diyos ng kamalasan sa mundo, nasalong lahat ni Jemaikha. Hindi niya nakuha ang sweldo niya, kinain ang ATM card niya, nadukutan siya ng pera at nakita niya ang first and only love niya na si Hiro habang mukhang binagyo ang pagka-ganda-gandang buhok niya. At ang masaklap, sinabi nito na may girlfriend na ito. Pakiramdam tuloy niya ay pinagkaitan siya ng tadhana ng karapatan na sumaya. Hiro was the only man who could make her happy. But he was also the only man she couldn't have. Dahil kung mamahalin muli nila ang isa't isa, siya rin ang makakasira dito. Pero kaya ba niyang layuan ang kaligayahan niya?

"It was strange that the most annoying man in her life could make her feel better on the most annoying night of her life." Kaaway ang tingin ni Sierra kay Reigan. Kaibig-ibig naman ang tingin ni Reigan sa kanya. Hindi magkasundo ang kanilang mga puso dahil sa kanilang nakaraan na kasalanan ng binata. Kaya ngayon, pahirapan ang pagkuha nito sa pag-ibig niya. "Kailan ka ba maniniwalang gusto talaga kita, Sierra?" "Kapag naging square na ang buwan." Pero dahil sa kagagawan ng makulit na pamangkin niya, nagkaroon ng square na buwan. Green pa ang kulay. Maniwala na kaya siya sa mga sinasabi ng binata?

"I fell in love with you the moment I saw you because you were the one I was waiting for my whole life." Boring ang buhay ni Winry. Wala na siyang social life, wala pa siyang love life. And she was not getting any younger. Kaya nang mamatay ang matandang dalagang tiyahin niya, nangako siya sa kanyang sarili na hinding-hindi siya matutulad sito na namatay nang malungkot at walang kasama. Nagbago ang lahat sa buhay niya nang makita niya isang madaling-araw si Neiji Villaraza sa isang cafe bar. She immediately fell for him. Ang problema, isang beses lang na nakita niya ito at imposible na muli silang magkasama. Hanggang sa manalo siya sa isang raffle promo. Ang premyo? A date with one of the product's hunk endorsers. Neiji was one of them. She could have her chance again. Pero iba ang sumundo sa kanya. Where was her chance?