"Shut up and kiss me if you want to make it up to me." Ang akala ni Sofiajade ay hindi na muling titibok ang kanyang puso mula nang mawala ang virologist na si Reiven. Isang aksidente ang kinasangkutan nito nang mag-training ito sa isang pharmaceutical company sa Venezuela. At nabalitang patay na ito. Ngunit kung ang mga mata ay nakakamali ng tingin minsan, hindi ang puso. Hindi maaring hindi iyon makakilala. Kaya kahit anong pagkumbinsi ng paningin niya na hindi si Reiven ang estrangherong nakita niya na naliligo sa talon, sa bulubundukin ng Cordillera, naghuhumiyaw naman ang kanyang puso na si Reiven nga ang lalaki!

"Kung galit ako sa iyo, hindi ako mababaliw sa kakaisip sa iyo." Madalas mapagkamalang lalaki si Naville dahil sa kanyang maiksing buhok at pananamit. Pero bale-wala sa kanya iyon dahil mas importante ang mapalago niya ang kanyang negosyo upang may mapatunayan siya sa kanyang pamilya. One day, she met Ian Jack Salmentar, Stallion Riding Club's elusive playboy. Abala ito sa pag-iwas sa mga babae nito nang mamataan siya nito. Laking gulat niya nang pakiusapan siya nito na magpanggap na lover nito. Iyon ang naisip nitong paraan upang layuan na ito ng mga babaeng naghahangad ng mas malalim na relasyon dito. Nang maglaon, hindi na niya maipaliwanag ang damdaming nabuhay sa kanya para dito...

Napamaang na lang siya rito at saglit na tila nawala sa sarili nang maramdaman niya ang maingat na pagpalibot ng mga bisig nito sa kanya. She had never felt this treasured in her life. It felt like she had finally come home. Fourteen yearls old pa lang si Jeuliette ay itinatangi na niya sa kanyang puso ang binatilyong si Trigger. Noong unang masilayan niya ang guwapong mukha nito ay hindi na ito naalis sa kanyang isip. Subalit magkaiba ang kanilang mga mundo. Simpleng tao lang siya; samantalang ito, mabanggit lang ang pangalan nito ay nagkakaroon na agad ng komosyon. Lalo na ang mga babae. Kahit pa nga hindi ma-distinguish ng mga ito kung si Trigger o ang kakambal ba nitong si Jigger ang nasa paligid. Sa bagay na iyon, nakalalamang siya sa mga babaeng iyon. Dahil siya, sigurado siyang alam niya kung si Trigger o ang kakambal nito ang kaharap niya. Mas tiwala siya sa ibinubulong ng kanyang puso kaysa sa nakikita ng kanyang mga mata... Ngunit nang magtapat siya kay Trigger ng kanyang tunay na damdamin, nanlumo siya nang italampak nito sa mukha niya na pagtinging-kapatid lamang ang nararamdaman nito para sa kanya...

"Hindi ko na alam ang gagawin ko. Lumayo ako gaya ng nais mong mangyari. Pero hindi ko na kayang magpanggap na kaya kong malayo sa iyo. I miss you like hell! And I still love you." Mabilis na nalagas ang mga dahon sa tangkay ng panahon. Waring sa isang iglap lamang ay dumaan ang maraming taon kasabay ng mga pagbabago sa buhay ni Jeuliette. Ngayon ay isa na siyang sikat na modelo at maari na niyang ihanay ang sarili sa mga babaeng nagugustuhan ng mga Stallion boys. Isang bagay lang ang hindi nagawang baguhin ng panahon at nananatiling nakaukit sa kanyang puso magpakailanman-ang pangalan ni Trigger Samaniego. Ito ang tanging lalaking nanakit sa kanyang damdamin noon ngunit patuloy pa ring minamahal ng kanyang puso sa paglipas ng panahon...

"You're not my type of girl. But I like you anyway." Unang nagkita sina Nova at Jigger sa isang coffee shop. At hindi iyon nagustuhan ni Nova—dahil pinagmukha siya nitong tanga nang magpanggap itong may-ari niyon. At hindi rin niya gusto ang paraan ng pagkakatingin nito sa kanya. Dahil may kakaiba siyang nararamdaman sa mga tingin nito. Para kasing inaakit siya nito, lalo na kapag sinasabayan pa nito iyon ng pagngiti. Hanggang sa lumapit ito sa kanya. At halikan siya nang walang kaabug-abog. Nang dalawang beses. Hinayaan lang niya ito. Iyon ang eksenang naabutan ng boyfriend niya. She walked out on him to follow her boyfriend. Pero mukhang nakatakda na talagang magkasala-salabid ang mga landas nila ni Jigger na tila may kung anong puwersang nagmamanipula ng lahat.

"Ang talagang makakapagpasaya lang sa atin ay yong taong naging dahilan kung bakit tayo malungkot." Nova fell in love with Jigger Samaniego. Inakala niyang pareho lang ang nararamdaman nila. Hanggang sa nalaman niyang lumalapit lang pala ito sa kanya dahil kahawig niya ang isang babaeng naging espesyal dito. That was her friend Jeuliette, who was in love with Trigger, Jigger’s twin. Ang pinakamatindi, ito mismo ang nagsabi sa kanya ng katotohanang iyon. She hated Jigger for breaking her heart. Kaya mula noon ay isinumpa niyang oras na makita niya ang lalaki ay gaganti siya rito. Pinagbigyan naman siya ng tadhana. Pagkaraan ng isang taon, muling nagkrus ang mga landas nila. Tumalikod nga lang siya dahil hindi niya inaasahang titibok pa rin nang ganoon katindi ang puso niya para sa lalaking bumigo sa kanya. Lalong naging komplikado ang paghihiganti kuno niya nang tuluyan niyang makaharap si Jigger. Nalaman kasi niyang hindi pa rin pala niya tuluyang napapatay ang damdamin niya para dito. Paano na ngayon ang hustisyang hinahanap ng kanyang puso?