Capita che un giorno, d’estate, te rivi la mail de do amici che i se sta organizando per andar a Budapest in bici. E la mail disi circumcirca cussì: Ou, femo un ultimo tentativo de convinzer Pasta e Diego, dei. Noi partimo dopodoman. Vegnì? Inutile dir che el tentativo xe andà a bon fine. E che xe stado un viagio de quei che te se li ricordi per tuta la vita. Talmente memorabile che gavemo pensà de farghe un libro. Coi pupoli. Copioni! Xe vero. I ga za fato un libro cussì, semo rivai tardi. Xe che el nostro ritmo in bici iera un bic’ più blando e semo restai indrio… Alora gavemo pensà de far qualcossa de diverso. Inframezar el raconto del viagio con qualche storiela ispirada ai loghi visitai, ale persone incontrade e a quel che ne xe nato. In pratica con qualche nova picia maldobria. I veri protagonisti de sto libro sarà alora Ucio e Ciano, veci patochi de età indefinida. Comodamente sentai in osmiza a bater carte e bever otavi, i ne legerà el diario dei zinque ciclisti e i ne lo comenterà, zontandoghe vizin qualche maldobria che i ne conterà lori. Disponibile in ebook: http://www.amazon.it/Zinque-bici-veci...