გრიგოლ რობაქიძის დაუმთავრებელი რომანი „ფალესტრა“ 20-იან წლებში იწერებოდა, თუმცა სამშობლოდან გადახვეწილ მწერალს ეს რომანი ვეღარ დაუსრულებია. რომანის გმირი - რეჟისორი ადოლფ უანგარი ამორძალთა დედოფალ ფალესტრაზე ფილმის გადაღებას აპირებს. რეჟისორს ვერ აურჩევია ამორძალთა დედოფლის როლის შემსრულებელი, რადგან ფალესტრა, ჩვეულებრივი ქალი არ არის, ანუ მასში „სხეულყოფილია თითქმის მთელი სქესი ქალთა“ და რომელიც ეომება ამავე დროს „კაცების კლანებს“. მას „ვერა სძლევს სიყვარულით ვერა რომელი ვაჟი“. რეჟისორს მიაჩნია, რომ ფილმის მთავარი სცენა დედოფლისა და მაკედონელის შეხვედრა უნდა იყოს, როცა მაკედონელი, „მზის შვილსი და უძლეველი მხედარი“, მზეჭაბუკი“ ხიბლავს ფალესტრსა. ამას გრძნობს ამორძალი და მასში ქალი იღვიძებს. მოთხრობა „ენგადი“ პირველად ქართულ ენაზე ქართველ ემიგრანტთა ჟურნალ „ბედი ქართლისაში“ დაიბეჭდა.