Isang Badjao si Anina, lumaki sa piling ng mga alon. Kabisado niya ang mga awit at damdamin nito tulad ng isang kaibigan. Bilang kabataan, nasa edad siya ng paghahanap ng kaniyang sarili sa komplikadong mundong kaniyang ginagalawan. Ngunit paano nga ba ang maging katutubo at mahuli sa gitna ng kahirapan at karahasan? Samahan si Anina sa kaniyang pangangarap, paglalakbay, at pagkamulat sa katotohanang kahabi ng kaniyang buhay bilang Badjao. Sa kuwento ni Anina, makikilala rin ang isang mayamang kultura ng mga katutubong namumuhay sa karagatan at hindi pa ganap na nauunawaan ng karamihan.