Premio Nacional de Literatura / Modalidad Poesía Joven Miguel Hernández 2020 Texto singular en que a palabra e a imaxe viaxan da man canda a ollada asombrada da poeta. Etimoloxías, historias naturais, prácticas culturais diversas… Os poemas e as fotografías fan calas nos cinco continentes e desprázanse adiante e atrás na historia á procura de encrucilladas luminosas. Unha nova cartografía. Un novo planeta.
Author
Alba Cid (Ourense, 1989) é poeta e investigadora. Atlas (Galaxia, 2019), o seu primeiro poemario, foi galardoado co Premio Nacional de Poesía Nova Miguel Hernández 2020 que concede o Ministerio de Cultura. Os seus poemas traducíronse ao alemán, castelán, grego, inglés e portugués, e foron incluídos en Asymptote, Enfermaria 6, Kenyon Review, Oculta Lit, Poets.org, The Offing ou Words Without Borders. Coautora da plaquette artística A faia de Ponto. Le roi de la Galice e do Tesouro espeleolóxico galego (aCentral Folque, 2022), forma parte de proxectos interartísticos e ligados ao patrimonio inmaterial, coma Rupestre Sonoro. Foi colaboradora frecuente da Radio Galega e de diferentes revistas de creación e crítica; fotografa e ilustra ocasionalmente. Durante dous anos, encargouse do John Rutherford Centre for Galician Studies da Universidade de Oxford. Atende a etimoloxías, historia natural e prácticas culturais diversas.
