Intempériome (2003) é o derradeiro libro de poemas publicado por Xela Arias. A través dos versos flúe a sinceridade dunha poeta aberta, espida, que rompe a palabra para inxectarlle significados contestatarios e invocar á lectora ou lector a que se libere da alienación. Esta edición especial de Xerais consta dun estoxo que contén o libro de poemas Intempériome, un caderno de notas e un CD coa gravación dos poemas na voz de Xela Arias acompañada dos músicos Pablo Carrera, Macarena Montesinos e Elena Vázquez, baixo a dirección de Fernando Abreu. Despois de sete anos sen publicar, en 2003 volveu con este libro e converteuse na súa obra póstuma.
