Ang mga kuwento sa Iskrapbuk ay salamin at diwa ng kabataang Pilipino—mga karanasanm pananaw-mundo, at pangarap. Sinulat ito sa lengguwaheng makabago—repleksiyon ng pamamaraan ng modernong pagkukuwento at estilo ng kabataang manunulat na pinanday ng unibersidad. Nagwagi ng unang gantimpala si Allan Derain sa patimpalak ng Sentrong Pangkultura ng Daily Manila Shimbun. Naging fellow for fiction siya sa UP National Writers' Workshop. Ilang ulit nang lumabas ang kanyang mga kuwento sa mga antolohiyang Ang Aklat Likhaan ng Tula at Maikling Kuwento, sa Liwayway, at Filipino Magazine. Nagtapos siya ng BA Malikhaing Pagsulat, cum laude, at kasalukuyang kumukuha ng MA sa Filipino sa UP Diliman.