Ayon sa lumang kasabihan ng mga Filipino: “May tenga ang lupa, may pakpak ang balita.” Ibig sabihin, walang lihim na hindi nabubunyag. Pero, paano nga kaya malalaman ng isang bayan ang madilim na lihim na pinakatatago ng kanilang haring malupit at gahaman? Ang “May Sungay ang Hari" ay isang bagong pagsasalaysay ng tradisyonal na kuwentong-bayan mula sa Ilocos na “The President Who Had Horns,” mula sa kalipunang Philippine Folk Tales ni Mabel Cook Cole noong 1916.