Baksidetekst til førsteutgåva: U3 – ein norsk militærroman. Tittelen på årets roman, U3, spelar blant anna på U2, det amerikanske spionflyet som blei skote ned over Sovjetunionen 1. mai 1960, på veg til Bodø. Hovudpersonen, kaptein Alf Hellot, får utdanning som jagarpilot i USA. Gjennom hans eksemplariske karriere følgjer vi innlemminga av Norge i den vestlege militæralliansen. For første gong får vi ei inngåande skjønnlitterær skildring av forsvarets radarstasjonar og flybasar. Fløgstad har med U3 skapt ei open og direkte bok om det mest lukka kapitlet i norsk notidshistorie. Den første norske militærromanen er både ei politisk spenningsbok og ein kjærleiksroman av høg klasse.